Leadership, essere autoritari o autorevoli?

Savè a differenza fra ste do paroe?
El primo l’impone a so autorità coa forza e molto probabilmente el se ritrova in te na certa posizion, par un qualcosa diverso dae so quaità.
El secondo, a so forza a gira attorno a a stima, el rispetto e a tutte e so virtù, e se el copre un certo ruolo l’è pai meriti che l’ha.
Un fià come a differenza fra chi che l’è mona e chi che va in mona.
Una dee robe pezo l’è quando una persona autoritaria a se trova inizialmente so un certo posto pa meriti che col tempo i diventa passati e dopo non avendo niente altro, ghe tocca imporse par compensar a so pochezza del presente.
Da fastidio quando te ha a che far co na persone autoritaria, ma dentro de lori i se domanda come che fa chialtre persone ad essar seguii senza dover alzar a vose.
E no basta el trucco de far i finti tranquii e alzar a vose ogni tant, perchè te pensa de darte el tono de quel bon, che col s’incazza el deventa pi cattivo de un cattivo.
Bon venare.

Lascia un commento

Il tuo indirizzo email non sarà pubblicato. I campi obbligatori sono contrassegnati *